Construcciones y Reformas Hermanos Cordero promociona a TTN

Romería 2014: Rimar en tiempos revueltos

Romería 2014: Rimar en tiempos revueltos

Roberto-Martín-Moreno-La-Columna

El día de la Romería
se me pasa en un suspiru
y disfrutu de lo lindu
cuandu bailu el tiroriru.

Me gusta cantal «Las Calzas»,
lo reconozcu,lo admitu,
y grital de vez en cuandu
¡Viva San Pedru Benditu!

Y me encanta il con las crucis
cargau con una mochila
dondi llevu el bocadillu
pa luegu cargal las pilas.

Y por toas estas cosinas
que os acabu de decil
ya tengu ganas que llegui
el veintiochu de abril.

Y esti añu sí tenemus
motivus pa respingal
porqui Cristóbal Montoru
nos dici pa varial

que la crisis terminó,
que la crisis ya no existi
y por tantu no hay motivu
pa que la genti esté tristi.

Que la crisis ya pasó,
que la crisis ya es historia,
esti tíu es más cachondu
que Pacu Martíniz Soria.

Man dichu que anochi Cristóbal Montoru
estuvu cenandu en la casa de Messi,
quería inspeccional sus balonis de oru
y Leu le dio pa cenal cascagüesis.

Dispués de esta cena tan rica en hidratus
seguía el ministru teniendu jambrina,
y el astru argentinu que es hombri sensatu
le dio un cachu pan y una chocolatina.

-«Verá comu ya no le suenan las tripas,
si acasu con estu no tieni bastanti
le sacu ahora mismu una bolsa de pipas
que vienin pelás pa que no se atraganti.»

-«A muchas personas les cuesta creel
que yo me mantengu con lechi y galletas,
yo soy un ministru de pocu comel,
por esu en mi sueldu no faltan las dietas.

Me dici la genti que yo soy mu austeru,
que soy un ministru de puñu cerrau,
porqui ni siquiera me compru un moqueru
si estoy en la cama con un costipau.

Me dici la genti que soy tan roñosu
que no compru ropa ni pa il remuau,
que soy un tacañu,que soy gentinosu,
que soy comu un chotis igual de agarrau.

Y anochi me diju un güen tontulaba
que yo soy mu malu,¡peol que un dolol!»
-«Seguru que habla de un tal Rubalcaba.»
-«Se dici el pecau peru no el pecaol.

Y ahora es mejol que vayamus al granu,
yo vengu pa dali una reprimenda,
le sigu los pasus desdi esti verano
y quieru que pagui sus deudas a Hacienda.»

-«No vengas Cristóbal a dalmi la chapa
que yo nunca quisi metelmi en problemas,
los temas fiscalis los lleva mi papa,
si quieri le llamu y hablamus del tema.

Tou estu pareci que es una campaña
en contra de Messi y del Barcelona.»
-«Que no señol Leu,que a mi no me engaña
con esa carina de güena persona.»

-«¿Por qué no investiga al expresu de Cardi
que juega en Madrí y ha costau cien millonis?»
-«Iré a hablal con él peru aluegu más tardi
que ahora me quieru cogel vacacionis.»

Y ahora cambiandu de tema
sus quieru hablal de otra cosa,
voy a escribil las primicias
que cuenta la prensa rosa.

La Pantoja se fue de rositas
por aquellu del casu Malaya,
y ahora gracias a su Chabelita
tieni un nietu que llora y no calla.

Ni de nochi ni por la mañana,
naidi ha güeltu a dormil en Cantora,
si la agüela le canta una nana
el chiquinu con más fuerza llora.

Paquirrín vinu a vel al sobrinu
porqui tieni que dali la paga
y dispués se marchó en un vespinu
a un conciertu que da Leidi Gaga.

Si le dicin a Kiku Rivera
que no güelva a sacal otru discu
el muchachu enseguía se altera
y se poni comu un basiliscu;

peru aluegu se vieni a razonis
porqui sabi que el discu es un zarriu,
por lo vistu no tieni cancionis
tan bonitas comu las de El Barriu.

Otru tema mu curiosu
es el de los avionis
que siempri tienin en vilu
a Rajoy y a los Borbonis.

Sa montau en los avionis
oficialis del Estau
la Reina Doña Sofía,
¿Y sabin que la pasau?

Pos lo mismu que a su hiju
y a Marianu el otru día,
ya ni siquiera la Reina
se libra de una avería.

A mi modu de entendel
debi de sel masoquista,
muchu más a gustu iría
viajandu en clasi turista.

Peru ella se empeñó
en il en primera clasi,
ni quisu cogel el metru,
ni quisu pedil un taxi.

Ayel le diju Felipi
aconsejau por la Leti:
«Si te vas a Guatemala
te llevu en la mobileti.

Que esus cacharrus con alas
no vuelan comu Dios manda,
y en vez de traelmi a España
aterrizu por Holanda.»

Algunus con mala uva
se preguntan si esti gafi
llegará con esi amotu
desdi Alcorcón a Getafi.

Averías,sobresaltus,
disgustus y desazonis,
quien busqui estas cuatru cosas
que monti en los avionis.

Dondi vuela el herederu
la Reina o el presidenti
siempri van de pasajerus
estus ricus ingredientis.

La próxima temporá
la escudería Ferrari
fichará a Esperanza Aguirri
y así no habrá quien les pari.

Están hasta las naricis
de no ganal el mundial,
y piensan que con la Espi
las cosas van a cambial.

Solamenti hay que decili
el día de la carrera
que van a echali una multa
y verán comu acelera.

Si hay que pedili esti añu
algu a San Pedru Benditu
le pidu que los corruptus
paguin ya por sus delitus.

Que con tantu recurril
hay juicius interminablis
y se libra de la cárcil
mucha genti indeseabli.

Y aquí terminu las rimas
que forman esta poesía
deseandu a toa la genti
una feliz Romería.

ROBERTO MARTÍN MORENO

Construcciones y Reformas Hermanos Cordero promociona a TTN

About The Author

COMERCIO EN TORREJONCILLO Y VALDENCÍN

X Aniversario Coronación Inmaculada Concepción

OFRENDA FLORAL A CABALLO A MARÍA INMACULADA TORREJONCILLO 2019

Fotografías de Torrejoncillo 2017

15589555_1448870091811575_584753780314161203_n 16105639_1400048556693729_5685545731025776053_n 17190788_1454956694536248_2907669244534066621_n 17264768_1457365830962001_1070774177699099473_n 17352567_1461983300500254_1927508210332325576_n 19510087_1789090541117519_5377589509898840514_n 21433103_1659923467372902_8390453461554567188_n 22449902_1668907356455293_8027301228098819506_n 22894168_1926482270711678_8394442417090865615_n

Normas en TTN

Existen unas normas que se deben cumplir, por favor leelas antes.

Normas en TTN

ENCAMISÁ DE TORREJONCILLO AÑO 2019