El Visitanti
Baracu Obama es un geniu
sin ninguna discusión.
Lo que ha lograu esti hombritu
es dignu de admiración.
Es tan grandi lo que ha hechu
que no salgu de mi asombru.
¡Qué poquinu la faltau
pa salil de España a hombrus!
Yo no sé cómu lo hizu
esti magu sin chistera,
peru reunilsi con Sánchis,
Iglesias,Alber Rivera,
Rajoy y Felipi Sestu,
¡tou esu en un sólu día!
sin ni siquiera un mal gestu
y con mucha simpatía;
tieni un méritu tremendu
y esu hay que reconocelu.
¡Con qué desparpaju hablaba!
¡Si es que daba gustu velu!
Por la calli le decían
los chavalis y chavalas:
«Por favol señol Baracu.
No se marchi usté pa Dalas.
Que si se quea un ratinu,
con esa desenvoltura
que muestra usté en las reunionis
sin perdel la compostura,
en menus que canta un gallu
se logra la investidura.»
-«Si es que llevu mucha prisa.
Me esperan en Nortiamérica.
Y si llegu tardi a casa
mi mujel se poni histérica.
Sé que me echaréis de menus.
Comprendu que soy la caña,
peru os juru que en Diciembri
regresu de nuevu a España.
El últimu mes del añu
prometu cogel un vuelu
que salga desdi el Pentágunu
y aterrici en Portezuelu.
Que tengu unas ganas locas
de subil hasta el castillu,
y dispués cuandu me baji
me voy pa Torrejoncillu.
Que aunqui siempri llevu a cuestas
una agenda mu apretá,
esti añu no me queu
sin vivil La Encamisá.»
ROBERTO MARTÍN MORENO
🙂