Cinco Alfombras del Rey

Hoy la cosa va de estrenus.
Lo digu por mi jersey
y porqui llega a los cinis
«Cincuenta alfombras del Rey.»

La genti está haciendu cola.
To el mundu la quieri vel,
pos dicin que el soberanu
bordó tan bien su papel;

que lo han nominau al Goya
al actol revelación,
y piensan que es mu probabli
que obtenga esi galardón.

Al sabel que Doña Leti
es la que ha escritu el guión,
gira en tornu a la película
una gran expectación.

Aunqui no se conformó
sólu con sel guionista,
pos también se reservó
un papel protagonista.

Pa salil de la rutina
en busca del desenfrenu,
diversas celebridadis
han acudíu al estrenu.

Estaba en un multicini
sentá en la primera fila
la hija de Ortega Canu,
o sea Gloria Camila.

Y han vistu en la misma sala
al pequeñu Nicolás.
Lo raru es que esti muchachu
esté en la fila de atrás.

Hubu algunus caraduras
que no encontrarun butacas.
Ya no les dejan pagal
con las tarjetas opacas.

Si quieris vel esta peli
te ofrecin varias opcionis.
La más costosa de toas
es vela en tres dimensionis.

Y la genti se decanta
por la de una dimensión,
pos sali más natural
Don Felipi de Borbón.

Esta peli pa mayoris
está arrasandu en taquilla,
peru erotismu hay mu pocu;
solu un besu en la mejilla.

Es complicau que veamus
algu subíu de tonu
salvu esi besu que dan
al herederu del tronu.

La única escena de cama
en la que sali Felipi
es cuandu estaba en reposu
costipau por una gripi.

Y el títulu engaña muchu.
¿Sabin lo que más me asombra?
Que en hora y media de peli
no he vistu ninguna alfombra.

Por esu me vini a casa
bastanti decepcionau.
Pagué un eurinu por vela
y piensu que man timau.

Si güelvu otra vez al cini
haré lo que hizu una monja;
metelmi en la sala cuatru
a vel la de Bob Esponja.

ROBERTO MARTÍN MORENO