El romanci de Froilan

El romanci de Froilan

Roberto-Martín-Moreno-La-Columna

Me estoy acordandu de aquel muchachinu
que estuvu cazandu con Marichalal,
y que disparaba con tal desatinu
que estuvu seis nochis en el hospital.

Tras esi incidenti tan desagradabli
le dierun el alta y un par de muletas
y ha dichu su mairi que es pocu probabli
que güelva su hiju a cogel la escopeta.

Pos bien ,esti niñu que estoy mencionandu
con altus nivelis de desobediencia,
con estu que el tiempu se pasa volandu
se encuentra en la fasi de la adolescencia.

Y sa enamorau,según tengu entendíu.
Lo va pregonandu su prima Leonol,
que diju que estuvu con un tal Cupíu,
que es esi que clava las flechas de amol.

La cosa va en seriu,la chica es mu mona;
por esu al sobrinu del Urdangarín
lo han vistu comprandu con otra persona
algún detallinu pa San Valentín.

Y ya solu piensa en dali algún besu
y que le acarici con mucha ternura.
Ya quea mu pocu del niñu traviesu
que no se cansaba de hacel travesuras.

Y sa convertíu en un güen estudianti,
ya no es un muchachu con mala conducta,
y saca unas notas que son tan brillantis
que cuandu las mira él mismu se asusta.

Con esa carina de niñu empollón
y varius tomatis en los calcetinis,
le diju Froilán a la chica en cuestión
que quieri invitala esti sábadu al cini.

Le diju que sí,ella es mu campechana,
guapina de cara,sencilla y humildi.
¿Qué cuál es su nombri?No sé si era Ana,
Rebeca,Paloma,Belén o Matildi.

Peru esu del nombri no es algu importanti,
pos dici la genti que el hiju del Duqui
cuandu habla con ella en un restauranti
a la chavalina la llama «mi cuqui».

Se fuerun al cini,despaciu,sin prisa.
¡Qué bien lo pasarun los dos tortolitus!
Se estaban tronchandu muertitus de risa,
pos era una peli de las de Jaimitu.

Están mu contentus su agüelu y su agüela
su nietu no ha güeltu a sufril ni un percanci
y está más alegri que unas castañuelas
y le felicitan por esi romanci.

Froilán ara mismu es un niñu adorabli.
No sé si el romanci será duraderu.
Comu es jovencinu será más probabli
que sean amoris de los pasajerus.

Es obviu que el niñu asentó la cabeza
dispués de pasal por el reformatoriu,
y no se descarta(lo ha dichu Su Alteza)
que dentru de pocu tengamus casoriu.

Recuerdu que un día desdi una azotea
le dio un gorronazu a su amigu Tomás,
peru esti muchachu de malas ideas
sa güeltu tan güenu que no haci trastás.

¿Qué piensan Elena y el Marichalal
de vel al muchachu tan enamorau?
Pos dicin que ven más maduru al chaval,
y que en los estudius está más centrau.

El niñu que antis causaba problemas
se está convirtiendu en un cachu de pan,
esperu que os haya gustau el poema
sobri esti romanci que vivi Froilán.

ROBERTO MARTÍN MORENO

GestoPyme promociona a TTN

About The Author

COMERCIO EN TORREJONCILLO Y VALDENCÍN

X Aniversario Coronación Inmaculada Concepción

ENCAMISÁ DE TORREJONCILLO AÑO 2019

OFRENDA FLORAL A CABALLO A MARÍA INMACULADA TORREJONCILLO 2019

Fotografías de Torrejoncillo 2017

16265664_1411663292198922_7824484345912562244_n 18033857_1690350094314475_8755528176462576238_n 18835706_1754764654550108_323418145919655695_n 19146067_1772694969423743_7412142794188169602_n 19510087_1789090541117519_5377589509898840514_n 19958967_1805817859444787_790885685060041978_n 21151611_1860665343960038_1374274105626962848_n 22448398_1907948469231725_8855412019783142180_n 23172393_1929993927027179_736018226372008261_n

Normas en TTN

Existen unas normas que se deben cumplir, por favor leelas antes.

Normas en TTN