La Presli y el Viagras Llosa

-Soy la Presli.¿Quién me llama?
-Viagras LLosa,el escritol.
Te estoy echandu de menus.
¿Qué tal te encuentras mi amol?

-Pos me encuentru mu solina.
¿Cuandu vienis otra vez?
El domingu por la nochi
llegaré sobri las diez.

Allí estaré puntual
pa dalti tou mi cariñu.
Me llevaré una viagra
por si acasu te la endiñu.

-¡Ay Mariu,qué cosas tienis!
¡Si tú estás hechu un machoti!
-No te creas Isabel.
Ya no estoy pa muchu troti.

-Pos si quieris que me sienta
comu unas castañuelas,
mejol traiti esa pastilla
pa no dejalmi a dos velas.

-Sabis bien Isabelita
que tú a mí me molas mazu
y haré lo que esté en mis manus
pa no dal un gatillazu.

Man dichu que esu funciona
y endereza el pizarrín.
Haré lo que tú me pidas
pa dalti gustirrinín.

Y si hagu el saltu del tigri
no piensis que soy un fiera.
Es que en vez de una pastilla
me tomau la caja entera.

-¿Toa la caja vida mía?
¡Ahora sí la has preparau!
Vas a estal muchas semanas
con el pitu levantau.

-Lo sientu muchu mi cuqui.
Ha síu un errol humanu.
¿En seriu que estu no baja
hasta dispués del veranu?

-Hasta dispués del veranu
o inclusu hasta Navidadis.
-¡Calla,por Dios,Isabel!
¡No digas barbaridadis!

Andal por la calli asina
es una incomodidá.
¿Cómu va a estal esta cosa
tantu tiempu levantá?

Mi manguera está adquiriendu
un tamañu tan giganti
que la tengu ya más larga
que una trompa de elefanti.

Haci un ratu parecía
el palu de un chupa chus,
y ahora creci al mismu ritmu
que el recibu de la luz.

Sé mu bien que en esti mundu
otru gallu cantaría
si creciera de esta forma
la maltrecha economía.

Mi colita está adquiriendu
un tamañu colosal.
Te aseguru que es más larga
que una caña de pescal.

¡Estu es algu impresionanti!
¡No sa vistu cosa igual!
Midi muchu más que el palu
de una mesa de billal.

¡Estu ya sali de oju!
¡Estu ya es lo nunca vistu!
¡Ya quisieran sel tan grandis
las pirámidis de Egiptu!

Te diré sinceramenti
que ahora tengu el pinganillu
comu el mástil de una vela,
comu el palu de un cepillu;

y si sigui conservandu
esti aspectu gigantescu
prontu van a declaralu
Patrimoniu de la Unescu.

Pensarás que estoy de coña.
Pensarás ¡qué exagerau!
¡Peru tú no te imaginas
a la altura que ha llegau!

Si lo vieras me dirías:
«¡Virgin Santa qué cipoti!
Es igual que un palu selfi.
Es la lanza del Quijoti.

Te lo juru Isabelita.
Es tan grandi mi paqueti
que al entral en el serviciu
me encontrau sin el retreti.

Le asustaba al probecinu
contemplal mi paquetón.
No he teníu más remediu
que aceptal su dimisión.

-Peru entoncis,¿andi meas?
-La respuesta es mu sencilla.
Hasta que estu no se ablandi
meu en una bacinilla.

Ya no quieru que me den
Premius de Literatura.
¡Cualquiera va recogelus
con esta cosa tan dura!

Que se empini un ratu,vali;
peru tantu no haci gracia.
Voy a vel lo que me dici
el que manda en la farmacia.

-Pos si vas a la botica
te sugieru vida mía
preguntal si la viagra
tieni alguna garantía.

Que piensu que es convenienti
que te aclari el boticariu
el tiempu que va duralti
esi efectu secundariu.

Y en vez de compral viagras,
comprati vic vapurus,
pa que no andin criticandu
los del Salvami Delus.

-Nos vemus esti domingu
mi preciosa filipina.
Te quieru más que Juan Carlus
quieri a su amiga Corinna.

-Yo también te quieru muchu,
y por sel un tíu tan monu
hoy quizás te mandi un guasa
con algú eroticonu.

ROBERTO MARTÍN MORENO