Cherriandu con la Infanta

-Soy Iñaki.¿Quién me llama?
-Soy Felipi ,tu cuñau.
¿Está mi hermana Cristina?
-Aquí la tengu a mi lau.

-Ara mismu te la pasu
que me tengu que il al bañu.
Supongu que habrás llamau
pa felicital el añu.

-¿Qué es lo que quieris Felipi?
-¡Feliz añu nuevu hermana!
Te llamu pa confesalti
que estuvi ayel de jarana.

Dispués de las doci uvas
y dos copinas de anís
me pusi mu contentinu
y estuvi bailandu el tuis.

De juerga con los amigus
estuvi yo hasta las tantas
y to el mundu me decía:
¿Qué va pasal con la Infanta?

Y yo mientras sostenía
un vasu de los de plásticu
les diji que acabaría
con tus derechus dinásticus.

-No hagas casu a los que pidin
que me quitis los derechus.
Lo que digan los plebeyus
no lo tomis tan a pechu.

Esti añu va sel duru
porqui tengu que il a juiciu,
y esu es una gran noticia
que no tieni desperdiciu.

A mucha genti les sali
en los pies algún padrastru,
y a mí cuandu estoy soñandu
me sali siempri el jues Castru.

Esi jues que me investiga
sali en toas mis pesadillas,
yo sospechu que esi hombritu
quieri dalmi la puntilla;

pos me dici al perseguilmi:
Ya verás cuandu te coja.
Te via mandal a la cárcil
a dormil con la Pantoja.

Quisi agarralmi con fuerza
a la doctrina Botín,
peru esi Castru me diju
que ni hablal del peluquín.

Quieri que haga el paseíllu
igual que en La Maestranza,
¡y encima tieni la cara
de pedilmi una fianza!

Hay nochis que me desvelu
pensandu que iré a la trena,
y entoncis coju el esmarfun
y llamu a mi hermana Elena.

Le quieru pedil consuelu
porqui estoy mu deprimía,
y tarda muchu en cogelu,
siempri la coju dormía.

Y dici mu gentinosa
la ex del Marichalal:
¡Las cuatru de la mañana
no son horas de llamal!

-Pos yo hermanita del alma
te hablaré de mi reinau.
En seis mesis con corona
me sientu mu valorau.

Nunca me tiru farolis
ni me gusta alardeal,
peru sé que mi mensaji
tuvu un ésitu total.

Me resulta mu difícil
tenel los pies en la tierra
sabiendu que he superau
a la Reina de Inglaterra.

Le he superau en audiencia
siendu mi primel mensaji,
pos dicin que mi discursu
lo vierun hasta en Portaji.

Cristina,voy a colgal.
Recuerdus a mis sobrinus,
y a vel si vienis a velnus
y hablamus otru ratinu.

ROBERTO MARTÍN MORENO