El pequeño Nicolas

El pequeño Nicolas

Roberto-Martín-Moreno-La-Columna

Un amigu que yo tengu
es sin duda el no va más,
y le gusta que le llamin
el pequeñu Nicolás.

Se codea con la genti
de la alta suciedá,
y en la casa dondi vivi
no le falta ná de ná.

El chiquinu tieni apenas
solu venti primaveras,
peru tieni tanta labia
que consigui lo que quiera.

Es el alma de las fiestas,
el que parti el bacalau;
no conozcu en esti mundu
un muchachu más salau.

Él es canelita en rama,
es la alegría de la huerta,
y en to los sitius privaus
tieni las puertas abiertas.

Nicu es la caña de España,
Nicu es la crem de la crem,
si le pido yo un Mercedis
me lo trai en un santiamén.

Si le pidu unus zapatus
me los trai en un ratinu
aunqui tenga que cogelus
de una tienda de los chinus.

Si le pidu dos entradas
pal Madrí Bayir de Munis,
cogi y llama a Florentinu
y las tengu antis del lunis.

To las cosas que le pidu
las consigui en un plis plas.
¡Da gustu tenel amigus
tan guais comu Nicolás!

El pequeñu Nicolás
(que vivía con su agüela)
comu Pedru por su casa
se colaba en la Zarzuela.

Y el monarca don Felipi
comu es tan campechanu
aunqui no lo conocía
se dejó besal la manu.

-«Güenus días don Felipi.
Yo no soy un impostol,
es que tengu una hermanina
que es amiga de Leonol.

Me disculpi usté un momentu
que me están mandandu un guasa.
¡Es Obama que me invita
a cenal un día en su casa!

Otra vez me suena el móvil.
Es el Príncipi de Galis
que me pidi que le llevi
un disfraz pa carnavalis.»

-«Tieni usté muchus contactus.»
-«Puei pedilmi lo que quiera.»
-«Pos le haga usté a mi niña
una figura de cera.

Es que ya le han hechu una
y les ha queau mu mal.
Le pusierun una cara
que lo que haci es asustal.»

-«Esu que me está pidiendu
lo hagu yo sin despeinalmi.
No es necesariu que llami
dispués pa felicitalmi.

Esta nochi voy pallá
y me cuelu en el museu
y le doy unus retoquis
a esa cara que haci enteu.

Váyasi a dormil tranquilu
que esu es cosel y cantal.»
«No sé yo si eris un tíu
del que me puea fial.

Se te ve mu sabijondu
y con cara de pillín.
¿No serás un ladronzuelu
comu Iñaki Urdangarín?»

-«No diga esu,por Dios.
No soy comu su cuñau.
Sólu soy un muchachinu
que ha salíu espabilau.

Si me pidi usté la luna
yo me subu a una escalera
y mañana por la nochi
se la llevu a la Zarzuela.

Y si acasu tieni antoju
de comelsi un caramelu,
vaya abriendu esa boquina
porque yo los cazu al vuelu.

Sepa usté que fui haci pocu
teloneru de Faleti
y me sientu con Cerezu
en el palcu del Atleti.

Soy amigu de Madona
y también de Beyoncé
y me llaman muchas tardis
pa tomalnus un café.

Comu soy tan atractivu
me quierin tiral los tejus,
peru yo ya tengu novia
y por esu no me deju.

Comu yo ya tengu
mi reputación
y no soy un chicu
de los del montón;

cuandu voy con estas divas
no me andu con pamplinas,
comu tengu tanta clasi
las recoju en limusina.

Esu de viajal en metru
la verdá es que no me llama,
yo es que tengu por costumbri
il en cochis de alta gama.»

Y pensó pa sus adentrus
don Felipi de Borbón:
«Me pareci que esti críu
es un pocu fanfarrón.

Me pareci que al chiquinu
ya lo tengu yo calau,
peru cuenta unas historias
que me tieni engatusau.»

-«Ay que vel comu cherrías,
qué piquinu de oru tienis,
¿te apeteci que queemus
pa jugal mañana al tenis?»

-«Por supuestu don Felipi,
aquí estaré puntual.
Jugaré con la raqueta
que me dio Rafa Nadal.

Y dispués del partidillu
voy a ilmi al Vaticanu
pa vel si el papa Franciscu
se deja besal la manu.

Y cuandu güelva pa España
regresaré bendecíu.
¡Si es que solu de pensalu
ya me entra escalofríu!

Hasta mañana Su Alteza.»
-«Veti con Dios Nicolás.
Y pa que nadi te vea
sal por la puerta de atrás.»

Al venil del Vaticanu
el pequeñu Nicolás
descendió hasta los infiernus
invitau por Satanás.

Esti célibri demoniu
que es más malu que un dolol
es el fan númiru unu
de esti jovin triunfadol.

Y aprovechandu que Nicu
ya está en güena compañía
el que escribi estas estrofas
se despidi hasta otru día.

ROBERTO MARTÍN MORENO

About The Author

X Aniversario Coronación Inmaculada Concepción

OFRENDA FLORAL A CABALLO A MARÍA INMACULADA TORREJONCILLO 2019

Fotografías de Torrejoncillo 2017

12642693_1254956381187184_5320801013031786930_n 16266057_1410010982364153_7650417792444783634_n 16708263_1626836464009595_165490535911864209_n 16998677_1640113162681925_3599338042934616744_n 17757655_1477935088905075_6334163317880540352_n 17799035_1484586914941516_2504205268968483314_n 18620257_1540527825979134_7351774191023271795_n 20265033_1607120179319898_8906145288089195796_n 23032489_1704641312901117_2634202827151052060_n

Normas en TTN

Existen unas normas que se deben cumplir, por favor leelas antes.

Normas en TTN