La Cazamariposas

No acostumbru a dal malas noticias,

peru vengu a decil una cosa:

Chabelita ya está en Telecincu

presentandu «Cazamariposas».

Por cazal mariposas la niña

ya vereis la fortuna que amasa,

y esu que aún no se abiertu la veda,

ni ha sacau la licencia de caza.

De momentu la hermana de Kiku

nos ha dichu en su nueva exclusiva

que comu es temporal el contratu

piensa sel cazadora furtiva.

Pa obtenel esta clasi de empleu

no se puei contratal a cualquiera,

se requieri tenel una mairi

con oficiu de tonadillera.

Jaci falta tenel una mairi

acusá de delitu fiscal,

y por esu a la hora del castin

Chabelita no tuvu rival.

En España no existi la crisis

pa pagal a la genti con fama,

¡y es que dicin que cobra la niña

mil eurazus por cada pograma!

Pa cobral esi sueldu tan grandi

no le pidin tenel esperiencia,

me pareci que solu le pidin

unus índicis altus de audiencia;

Por mi parti,comu en Telecincu

muchas vecis se escuchan bobás,

coju el mandu que tengu en la mesa

y me pongu el Discoveri Mas.

ROBERTO MARTÍN MORENO