La Consulta
Aquí me tenéis de nuevu
en la güeb de Te Te Eni
pa hablarus mu brevimenti
de Más y del Nuevi Eni.
Se dici que Arturu Más
tieni un cabreu tremendu
porque no se le permiti
celebral el referendu.
Por lo vistu no le dejan
que celebri esa consulta
y encima la fiscalía
quieri poneli una multa.
No consigui estal alegri
ni aunqui el Barsa marqui un gol,
y lo están relacionandu
con el clan de los Pujol.
Y por esu el Presidén
ara mismu está que trina,
y ha dichu en el Parlamén:
«Las cosas no son asina.
Yo no piensu consentil
que me amarguin la existencia
solamenti por pedil
que me den la independencia.
Bien sabi el que me conoci
que yo soy mu cabezota,
ya veremus finalmenti
si se vota o no se vota.
Y me tieni sin cuidiau
que fracasi el Nuevi Eni,
si esti añu no hay consulta
ya la habrá el añu que vieni.»
Seguru que no será
la última vez que lo intenti,
pos ya sabemus que Arturu
quieri sel independienti.
ROBERTO MARTÍN MORENO
