Los versos de la Esperanza
No sé si ustedis sabrán
que ahora Esperanza Aguirri
puei aparcal su vehículu
dondi le salga del chirri.
Y disculpin si esta rima
les resulta malsonanti,
peru yo es que no comprendu
que se quei tan campanti
dispués de dalsi a la fuga
y atropellal a un agenti;
si no sabi il en un cochi
que se compri un parapenti.
Aunqui volandu en el cielu
a esta tía le importa un pitu
si se lleva por delanti
a los pobris pajaritus.
Cherriandu en Onda Ceru
le quitó hierru al asuntu,
lo que tenían que quitali
es del carné to los puntus.
Y a vel si paga la multa
que ella tieni muchas perras,
y al hombri que se la pusu
que no lo tiri por tierra.
Desobediencia a la autoridá,
así las gasta doña Esperanza;
esta persona sólu mereci
il a prisión peru sin fianza.
Por conducción temeraria
hay que meteli un güen puru,
peru a esta no la encierran
ni aunqui vaya sin seguru.
Yo creu que no le hicierun
ni la prueba de alcolemia;
jui,perdón ,se me olviaba
que esta mujel es abstemia.
En Venecia no le dejan
manejal ninguna góndola,
pos sabin que su carné
se lo sacó en una tómbola.
Esta tieni más peligru
que el Biber o el Orteguita,
por esu no seria justu
que se marchi de rositas.
Si la ley es igual pa tous
la Esperanza no se entera
porqui esta ex presidenta
se las salta a la torera.
Si a un ciudadano de a pie
(de estus que no son famosus)
le pasa lo que a la Espi
lo llevan al calabozu;
peru al que tieni muchus millonis
y deja el cochi mal aparcau
pocu le importan que lo denuncin
porqui se cogi un güen abogau.
No sé si estus versus son
una verdá comu un templu,
peru piensu que la Espi
no está dandu un güen ejemplu.
Dudu muchu que esta genti
nos rescati de esta crisis,
pos se montan en un cochi
sin sabel andal en bici.
Ya me voy a despedil,
no hablaré más de esti tema
y ahora voy a concentralmi
en mi próximu poema.
ROBERTO MARTÍN MORENO
Roberto no le agas caso de los comentarios asusdos pues hay mucha jente que legusta lo que escribe en torrejoncillano pues lo nuestro
Sarita,lo mismu nus da que lo leas o no.Roberto me encanta y el que no diga jacha jigu jiguera no es de mi tierra
Lo siento Sara,pero yo seguiré escribiendo en nuestro torrejoncillano siempre que me apetezca,y el que no me quiera leer pues que no me lea,afortunadamente sé que hay mucha gente a la que le gustan mis poesías.
Roberto,no hagas caso de comentarios como este sigue así escribiendo como sabes. sería bonito que para contestarle a la tal Sara le sacases una coplilla de las tuyas, pero eso queda a tu elección…. Yo por mi parte le digo a la tal Sara, que estamos muy orgullosos de hablar como hablamos en Torrejoncillo y que para ilustrarse debería leerse los poemas en lengua extremeña que escribió el gran poeta José María Gabriel y Galán, a ver si así va comprendiendo mejor… Te dejo el enlace Sara, no dejes de leerlos.
http://www.los-poetas.com/a/galan.htm
Puedes escribir lo mismo sin el tono puebleril….de verdad que es absurdo y a veces tan difícil de leer!!!! Sinceramente no le veo ni la gracia ni el encanto en esta forma de escribir….
Te animo a que lo hagas, seguro que lo leerá más gente!