Construcciones y Reformas Hermanos Cordero promociona a TTN

Romeria 2013: Rimando contracorriente

Romeria 2013: Rimando contracorriente

San Pedro2

Que comienci el mes de Abril
es motivu de alegría,
pos ya podemus decil
que estamus de Romería.

Esti añu con las crucis
se han juntau por el caminu
dos amigus de la infancia:
Sebastián y Celestinu.

-Buenus días Celestinu.
-Buenus días Sebastián.
Que día más buenu ha salíu
con la de lluvia que dan.

-El hombri de Antena tres
da tormentas y nublaus,
peru esi a vecis no sabi
pa dondi está canteau.

Por esu de lo que dici
mu pocas vecis me fíu,
pos cuandu da muchu sol
siempri me quedu arrecíu.

Ahora que vamus andandu
con calma y tranquilidá
¿te pareci bien que hablemus
de temas de actualidá?.

-Entoncis si no te importa
empazaremus hablandu
por esa panda de golfus
que nos están arruinandu.

Aquí en España tenemus
un ataju de ladronis
que están campandu a sus anchas
llevándusi los millonis.

Han publicau unas listas
dondi salin unas cuentas
que según los popularis
la prensa se las inventa.

Se habla muchu de unus sobris
con dineru en efectivu
que recibían altus cargus
sin facturas ni recibus.

Sobri nuestru presidenti
está saliendu a la luz
que además de lo que gana
también cobraba un buen plus.

Arenas,Cascus y Acebis
también están en el aju,
cobraban muchu dineru
por mu poquitu trabaju.

Bárcenas,Bárcenas,Bárcenas,
¡quién le ha vistu y quién le ve!.
¡Cómu disfruta el jodíu
chantajeandu al PP!.

En el partidu defiendin
que sus cuentas son legalis
y que tous sus componentis
son personas ejemplaris.

Comu a Marianu Rajoy
lo llaman el herederu
por tantu hablal de la herencia
que le ha dejau Zapateru,

tras estas informacionis
en la sedi del PP
se comenta que la culpa
debi sel de ZP.

Tampocu puedin quejalsi
muy altu en la oposición
porque puedin recordarlis
lo del casu Campeón.

Hubu un tiempu en que Ana Matu
(ministra de Sanidá)
se dispusu a dal leccionis
de lo que es la austeridá.

Celebrandu un cumpleañus
derrochó en un periqueti
cuatro mil quinientus eurus
solu en globus y confeti.

Y los finis de semana,
emulandu a Ana Botella,
se marchaba de jarana
a un hotel de cincu estrellas.

Al igual que los demás
ella también lo ha negau
y ha dichu que son mentiras
que un periódicu ha inventau.

La alcaldesa de Madrid
tieni un dolol muy extrañu
y se pasa muchu tiempu
dentru del cuartu de bañu.

No sabi que le ha pasau
y está sufriendu un calvariu,
no ha vueltu a probal bocau
y ahora sólu bebi aquarius.

Y dicin las malas lenguas
que su amigu Gallardón
quisu invitarla a una copa
peru le dio garrafón.

Y ahora tieni la alcaldesa
doloris estomacalis,
por culpa del creadol
de las tasas judicialis.

Le explicaré en una carta
a esta mujel tan hortera
que en mi pueblu a esu que tieni
se le llama cagalera.

-¿No vistis ayel Celestinu
lo que diju el telediariu?.
Pos estuvierun hablandu
de un conductol temerariu.

En la prensa deportiva
va circulandu el rumol
que al monoplaza de Alonsu
le ha salíu un competidol,

pues dicin que Benzemá
con un Ferrari en sus manus
cogi trescientus por hora
más prontu que el asturianu.

Que un jugadol del Madrid
haga saltal los radaris
se mereci un buen castigu
y sancionis ejemplaris.

Si le quitan el carné
que se monti en bicicleta
y si no queda conformi
que se vaya a hacel puñetas.

-Hablandu de conductoris
yo te diré compañeru
que está vistu pa sentencia
el juiciu sobri el toreru.

Y esperu que le hagan casu
al testigu del hotel,
que Ortega Canu mereci
dormil en Carabanchel.

A principius de esti añu
el Papa diju mu seriu
que se va del Vaticanu
pa marchalsi a un monasteriu.

Y después de estal reuníus
un montón de cardenalis,
y vel por la chimenea
que es blancu el humu que sali,

tras muchas horas de espera
ya se sabi el veredictu,
el nuevu Papa es Bergogliu
peru le llaman Franciscu.

Tras sus primeras palabras
han dichu los peregrinus
que se nota por el habla
que esti Papa es argentinu.

El sociu de Urdangarín
(que creu que se llama Diegu)
está mandánduli al juez
gran cantidá de correus.

Y con estus documentus
quieri tiral de la manta
pa vel si de esta manera
por fin declara la Infanta.

Mientras tantu Don Juan Carlus
siempri está en los hospitalis,
y está tan averiau
que hasta le sacan cantaris.

Vaya una Corinna,
vaya una Corinna,
que tieni un monarca
que no se le empina…

Esta canción se la cantan
a coru las enfermeras
y dicin que el soberanu
se poni comu una fiera.

-Ya llegamus a la ermita,
vamus a echalnus un vinu,
luegu hablamus de Euruvegas
a la vuelta del caminu.

Aquí doy por terminá
la charla de estus señoris
que no pierdin la esperanza
de vivil tiempus mejoris.

Si hay que pedili esti añu
algu a San Pedru Benditu,
le pediremus que a España
nunca llegui el corralitu,

que la Merkil no se entera
de que estamus hasta el gorru
y ya sólu nos fataba
que nos quitin los ahorrus.

Estas rimas que he compuestu
ya las doy por concluías,
deseandu que tengamus
una feliz Romería.

Roberto

ROBERTO MARTÍN MORENO

GestoPyme promociona a TTN

About The Author

X Aniversario Coronación Inmaculada Concepción

ENCAMISÁ DE TORREJONCILLO AÑO 2019

OFRENDA FLORAL A CABALLO A MARÍA INMACULADA TORREJONCILLO 2019

Fotografías de Torrejoncillo 2017

15589555_1448870091811575_584753780314161203_n 16105639_1400048556693729_5685545731025776053_n 17190788_1454956694536248_2907669244534066621_n 17264768_1457365830962001_1070774177699099473_n 17352567_1461983300500254_1927508210332325576_n 19510087_1789090541117519_5377589509898840514_n 21433103_1659923467372902_8390453461554567188_n 22449902_1668907356455293_8027301228098819506_n 22894168_1926482270711678_8394442417090865615_n

Normas en TTN

Existen unas normas que se deben cumplir, por favor leelas antes.

Normas en TTN

ENCAMISÁ DE TORREJONCILLO AÑO 2019