Operación Taula
En Valencia continuan
con las investigacionis,
y hoy sus deju en exclusiva
las últimas grabacionis.
-Soy Alfonsu¿quién me llama?
-Soy la Rita Barberá.
¿Qué te pasa amiga mía?
-Pos que estoy mu preocupá.
Nos están investigandu
por lo de la corrupción,
y la genti está pidiendu
que nos metan en prisión.
Y me insultan por la calli,
y me pidin que dimita.
-No te preocupis mujel.
Estati tranquila Rita.
Tranquilizati por Dios,
que va dalti un patatús.
(Le diju a la Barberá
el corruptu Alfonsu Rus)
Yo ni siquiera me inmutu
cuandu me llaman chorizu,
porque a tous los que me insultan
yo les hagu casu omisu.
Y además no me arrepientu
de las cosas que hemus hechu.
Si nos cain solu dos añus
ya me doy por satisfechu.
-Pos comu esi Benavén
tiri algu más de la manta
nos van a cael más añus
que al esposu de la Infanta.
Esta vez no nos libramus.
Nos meterán en el trullu.
A mí por no sel honesta,
a tí por sel un capullu.
-Es igual.Si nos encierran
saldremus en cuatru días,
y luegu continuaremus
con el mismu tren de vía.
Pos al tenel muchas perras
en paraísus fiscalis
nos compensa estal metíus
en estus berenjenalis.
Lo importanti ara mismitu
es buscal güen abogau.
De momentu ,mientras tantu
¡¡que nos quitin lo bailau!!
ROBERTO MARTÍN MORENOt
