Cuartu Mileniu

 

 

 

 

Bienveníus a la navi del misteriu.
Denseguía va empezal Cuartu Mileniu,
dondi no hablaremus hoy del adulteriu
aunqui venga estipulau en el conveniu.

Aunqui luegu esti programa se repiti,
no hagan zapin ni me cambin de canal,
porque hoy vamus a hablal de Nefertiti
y es un tema que les puei interesal.

Nefertiti era una reina que vivía
mu agustitu con el Rey Tutankamón,
más o menus comu vivin hoy en día
Doña Leti y Don Felipi de Borbón.

Y resulta que ara dicin que esta moza
haci pocu ha regresau de entre los muertus,
y se encuentra por lo vistu en Zaragoza,
o esu al menus aseguran los expertus.

El programa ya ha mandau un reporteru
pa sabel si lo que cuentan es real,
y el muchachu lleva allí un día enteru,
peru aún no la lograu localizal.

Hay personas que en la vida dejan güella.
Nefertiti la dejó en la Antigüedá,
y a la espera de que logrin dal con ella
repasemus cómu está la actualidá.

Paquirrín ha estau grabandu un vidiuclí
en el cual haci un cameu Chabelita,
y esi vidiu tieni tantu pedigrí
que en Yutú tieni millonis de visitas.

Desde luegu esti es un casu misteriosu
que no deja de llamalmi la atención.
¿Cómu puei habel millonis de curiosus
deseosus de escuchal esa canción?

Hay un juez que trabajandu en carnaval
ordenó encerral a dos titiriterus,
y otrus juecis no se atrevin a encerral
a corruptus que se llevan los dinerus.

Prontu sali de la cárcil la Pantoja
y en la calli continuan Rus y Rita,
y en los Goya ha posau en la alfombra roja
Pablu Iglesias disfrazau con pajarita.

Esti casu ya lo están investigandu
porque al Rey lo visitaba arremangau,
y comentan los que siempri están pinchandu
que a Zarzuela nunca va tan remuau.

Yo quisiera que tuviesin bien presenti
que esti Pablu sueli sel dicharacheru,
y que aspira a sel el vicepresidenti,
y que lo han quitau al final del gallineru.

Y también les contaré a continuación.
Ara mismu denseguía les informu
que esti añu el festival de Euruvisión
por lo vistu se celebra en Estocolmu.

La cantanti que nos va represental
sa propuestu intental la gran hazaña
que sería conseguil que el festival
esti añu lo ganemus los de España.

Ella piensa que le van a hacel la ola.
Ella quieri que se rindan a sus pies.
Lo curiosu es que Barei siendu española
la canción que va a cantal es en inglés.

Algu raru le ha pasau a Don Felipi.
Sa tomau un par de rondas de contactus
y se pusu de repenti tan piripi
que en Zarzuela solamenti habla de pactus.

Y su esposa Doña Leti con dulzura
le decía acariciandu una anaconda:
«Comu a Pedru no le den la investidura,
hazmi casu ,¡no te tomis otra ronda!»

-«Muchas vecis me entran ganas de abdical.
Yo no sé por qué me comu esti marrón.
¡Y esu que aun no me ha veníu a visital
esi nuevu al que le dicin Pugdemón!»

Ma contau esi muchachu que se ha iu
a buscal en Zaragoza a Nefertiti
que Esperanza Agurri ha comparecíu
pa decil que se retira,que dimiti.

Comu sabi que la están investigandu
por la Púnica y por muchas cosas más
pa que no la continuin presionandu
ha queríu dal la Espi un pasu atrás.

Peru esta dimisión no es más que un cuentu.
¿Que por qué?Pos la verdá es que está bien claru.
Sigui de portavoz del ayuntamientu.
Es decil,que no se va apuntal al paru.

Ara mismu me he enterau que en Vitaldén
prepararun una güena chamusquina,
y también man confirmau los del Inem
que Esperanza no ha sacau la cartulina.

Haci pocu se escapó de una prisión
esi Chapu que es un narcutraficanti,
y tras muchus días de persecución
al final han conseguíu echali el guanti.

Se fugó porque tenía una aventura
con la ya famosa Keiti del Castillu,
y aunqui estuvu un tiempu en busqueda y captura
lo cogierun al final comu a un pardillu.

Finaliza ya por hoy esta sección
de cosinas que han pasau últimamenti.
En el próximu programa mi intención
es contal si ya tenemus presidenti.

ROBERTO MARTÍN MORENO