Restaurante Las Tinajas promociona a TTN

¡Caray con la Monarquía!

Voy  a  escribil  unas  rimas
pa  hablal  de  la  monarquía,
que  entre  unas  cosas  y  otras
está  de  capa  caía.

Sus  Majestadis  Los  Reyis
salin  a  sustu  por  día,
yo  no  sé  si  es  mala  suerti
o  es  cuestión  de  brujería.

Comu  sigan  a  esti  pasu
van  a  tenel  que  alquilal
una  casa  que  se  encuentri
más  cerca  del  hospital.

Porque  en  los  últimus  días
unu  entra  y  otru  sali
y  han  teníu  que  suspendelsi
varius  actus  oficialis.

Y  es  que  en la  Casa  Real
no  se  gana  pa  disgustus,
pues  con  el  nietu  Froilán
se  llevarun  un  buen  sustu.

Por  disparalsi  en  un  pie
jugandu  con  la  escopeta
es  posibli  que  termini
caminandu  con  muletas.

Y  ahora  al  Marichalar
lo  tachan  de  irresponsabli
por  dejal  lleval  un arma
a  un  niñu  tan  adorabli.

Doña  Elena  en  un  principiu
no  quería  entral  al  trapu
peru  al  vel  a  su  ex  maridu
le  diju  de  tou  menus  guapu.

El  nietu  mayol  del Rey
ha  dichu  en  televisión
que  el  tiru  de  la  escopeta
le  dio  de  respajilón;

que  lo  que  más  le  preocupa
es  que  se  enfadi  el  abuelu
porque  los  niñus  no  debin
jugal  con  armas  de  fuegu.

Recibió  muchas  visitas
de  amigus  y  familiaris,
sólu  faltaba Juan  Carlus
que  se  marchó  de  safari.

Las  críticas  al  viaji
no  se  hicierun  esperal
y  al  final  nuestru  monarca
se  ha  teníu  que  disculpal.

Tras  sufril  una  caía
que  lo  ha  dejau  hechu  un  Cristu
regresó  de  cacería
más  prontu  de  lo  previstu.

Y  comu  el  Rey  no  conoci
lo  de  la  lista  de  espera,
en  menus  que  canta  un  gallo
se  operó  de  la  cadera.

Con  mucha  preocupación
al  sentil  tantus  doloris,
después  de  la  operación
fue  a  charlal  con  los  doctoris.

Y  le  diju  una  doctora:
«Me va  a  disculpal  Su  Alteza,
peru  ya  va  siendu  hora
de que  asienti  la  cabeza.

De  momentu  su  salud
no  pareci  preocupanti,
peru  yo  le  recomiendu
no  cazal  más  elefantis.

Que  usté  ya  no  tieni  edad
pa  disparal  con  un  arma
ni  aunque  se  ponga  delanti
su  yernu  el  Duqui  de  Palma.

Toa  esa  genti  que  le  dici
que  lo  ven  comu  a  un  chaval
sólu  le  hacin  la  pelota,
no  se  deji  usté  engañal».

Con  el  alta  baju  el  brazu
abandonó  el  hospital,
y  ha  dirigíu  sus  pasus
hacia  el  Palaciu  Real.

Se  dici  que  por  las  nochis
no  duermi  Su Majestad
porque  piensa  que  su  hija
va  a  tenel  que  declaral.

Lo  está  pasandu  tan  mal
la  Infanta  Doña  Cristina
que  cuandu  va  por  la  calli
mu  cabizbaja  camina.

Y es  que  del  que  más  se  habla
es  de  Iñaki  Urdangarín,
que  estuvu  en  un  institutu
y  armó  la  de  San  Quintín.

Por  dóndi  quiera  que  va
lo  señalan  con  el  deu,
¡quién  le  mandaría  metelsi
en  un  asuntu  tan  feu!.

Puedi  que  dentru  de  pocu
lo  llami  Carlus  Sobera,
porque  atrapandu  millonis
es  un  auténticu  fiera.

Está  más  claru  que  el  agua
y  esu  ya  no  se  discuti
que  Urdangarín  no  mereci
esi  títulu  de  Duqui.

Sólamenti  se  mereci
que  lo  deji  la  parienta,
que  le  lean  la  cartilla
y  que  le  cantin  las  cuarenta.

La  Reina  Doña  Sofía
con  su  yernu  estuvu  hablandu,
no  sé  lo  que  le  diría
peru  lo  pusu  pingandu.

Y  el  Príncipi  Don  Felipi,
tras  conocel  lo  ocurríu,
llevaba  encima  un  cabreu
de  padri  y  mu  señol  miu.

Estaba  tan  enfadau
que  juraba  en  arameu
y le  diju  a  su  cuñau:
«Si  te  coju  no  te  veu».

Iñaki  se  rebeló
y  se  pusu  hechu  una  furia
y  entoncis  le  contestó
nuestru  Príncipi  de  Asturias:

«No  te  me  pongas  gallitu
que  tu  a  mí  no  me  conocis,
no  me  vengas  dandu  gritus
ni  me  vengas  dandu  vocis.

Que  voy  a  decirli  al  juez
que  te  metan  en  chirona
porque  tu  le  estás  haciendu
muchu  dañu  a  La  Corona».

Le  han  dichu  Sus  Majestadis
a  esta  persona  tan  fresca
que  en  los  actus  oficialis
es  mejol  que  no  aparezca.

Que  el  Rey  está  comu  en  vilu
cuandu  se  encuentra  a  su  vera,
pues  puedi  que  en  un  descuidu
se  quedi  sin  la  cartera.

En  su  círculu  de  amigus
ha  dichu  Doña  Letizia
que  ella  estaba  más  agustu
presentandu  las  noticias;

que  al  principiu  se  pensaba
que  iban  a  sel  mu  felicis
y  ahora  está  del  protocolu
hasta  las  mismas  naricis.

Por  lo  vistu  la  princesa
no  leyó  las  instruccionis
que  explicaban  lo  difícil
que  es  vivil  con  los  Borbonis.

Yo  ya  voy  a  despedilmi,
será  mejol  que  me  vaya,
no  venga  el  Rey  a  decilmi
lo  de  «por  qué  no  te  callas».

ROBERTO  MARTÍN  MORENO

About The Author

6 Comments

  1. raquel

    Sigue escribiendo pues lo haces muy bien ,yo estare encantada leyendolas
     

  2. MARIA JOSE VERGEL

    ROBERTO, ERES BUENÍSIMO!!!! NOS HACES PASAR UN RATO GENIAL, ME ENCANTAN TUS POESÍAS, TE HACEN OLVIDARTE POR UNOS INSTANTES DE LAS HISTORIAS DE CADA DÍA. GRACIAS, Y POR FAVOR SIGUE ESCRIBIENDO.
     

  3. roberto

     Cuando  estoy  escribiendo  una  poesía  mi  mayor  ilusión  es  poder  compartirla  con  la  gente,  bien  aquí  en  TTN   o en  el  libro  de la  Romeria.Uno  siempre  tiene  la  duda si  gustará  o  no  gustará,  por  eso  agradezco   a  los  que   me  dicen  que  les  ha  gustado  y  me  animan  a que  siga  escribiendo. y  también  es  un  orgullo  para  mí  que  me  digan  que  he  salido  a  mi  abuelo  porque  yo  crecí  leyendo  sus  poesías  que  tantas  sonrisas  me  han  arrancado.Saludos

  4. salosere

    Bonita poesía, si que es verdad que has salido a a su abuelo Benigno, y seria bueno recuperar algunas de las poesías que tío Benigno escribía para los Libros de la Romería.-

  5. invitado_2365

    Este chico ha salido a su abuelo, el gran Benigno «conejo», hombre de gran ingenio. Sería un acierto recuperar alguno de los artículos que este señor escribía en los libros de la Romería y ponerlos aquí para que mucha gente joven los conozca. Sigue escribiendo Roberto, lo haces muy bien.

  6. Pepa

    Gracias por estas rimas, Roberto y por encenderme la sonrisa. Saludos 

COMERCIO EN TORREJONCILLO Y VALDENCÍN

X Aniversario Coronación Inmaculada Concepción

ENCAMISÁ DE TORREJONCILLO AÑO 2019

OFRENDA FLORAL A CABALLO A MARÍA INMACULADA TORREJONCILLO 2019

Fotografías de Torrejoncillo 2017

16266057_1410010982364153_7650417792444783634_n 16708263_1626836464009595_165490535911864209_n 16807554_1633338590026049_8401873314418794263_n 17190788_1454956694536248_2907669244534066621_n 17424899_1648853981797420_8383261936324233544_n 17990916_1699297503430157_4259758760443839608_n 18557379_1533481620017088_8446903383220568435_n 19146067_1772694969423743_7412142794188169602_n 22894168_1926482270711678_8394442417090865615_n

Normas en TTN

Existen unas normas que se deben cumplir, por favor leelas antes.

Normas en TTN