Construcciones y Reformas Hermanos Cordero promociona a TTN

La leyenda de Sansón

La leyenda de Sansón

Roberto-Martín-Moreno-La-Columna

-Güenus días Pablu.
-Güenus días Marianu.
¿Qué prefieris,besu
o apretón de manus?

-Menus cachondeu,
que he vistu La Sexta,
y según pareci
dicin las encuestas;

lo que sospechaba,
lo que yo barruntu,
que me estás ganandu
por un par de puntus.

Voy asimilandu
que eris mi relevu,
peru no me extraña,
te lo pongu a güevu.

Yo prometu cosas
y hagu lo contrariu,
Sé que ya me quean
dos telediarius.

Te daré un conseju
antis de marchalmi.
-Suéltalu Marianu.
¿Qué quieris contalmi?

-Si al llegal diciembri
salis presidenti,
córtati esi pelu
inmediatamenti.

Velti con coleta
yo no lo soportu,
es mejol que llevis
el pelinu cortu.

-¿Tú me estás pidiendu
que me comprometa
a que a La Moncloa
vaya sin coleta?

¡Estu ya es el colmu!
¡Lo que hay que oil!
Esu que me pidis
no lo pueu cumpli.

¿Tú no conocis Marianu
esa historia de Sansón?
Ara mismu te la cuentu
si me prestas atención.

Déjami que yo te cuenti
lo que dici la leyenda,
que Sansón era un muchachu
con una fuerza tremenda.

Esti muchachu tan fuerti
luchaba contra un león,
y con el mínimu esfuerzu
le sacaba un güen jabón.

Nunca estuvu en un gimnasiu,
peru estaba mu cuadrau.
Por lo vistu to los días
se tomaba un colacau.

Y yo no sé lo que tieni
esa dichosa bebía,
el casu es que si la tomas
te aporta mucha energía.

Y también le daba fuerza
la melena que lucía,
pos Sansón no era mu amigu
de entral en peluquería.

Un día se echó la siesta
y al despertal del letargu
se dio cuenta de una cosa
¡ya no tenía el pelu largu!

Y es que su esposa Dalila
había tirau de tijeras
y antis que se despertara
ejerció de peluquera.

Dati cuenta si era mala.
Se portó comu un demoniu.
¡Vaya forma más macabra
de rompel un matrimoniu!

-Sigui Pablu,no te paris
que me tienis intrigau.
¿Qué pasó con esi hombritu
al queal recién pelau?

-Pos que perdió toa su fuerza.
no golvió a sel el que era,
Se golvió mu debiluchu
sin su hermosa cabellera.

Por esi mismu motivu
no me pueu cortal el pelu.
Sin mi coleta estaría
con la moral por el suelu.

-Ay que vel que bien te explicas.
¡qué bien cuentas los relatus!
Cuandu entremus en campaña
yo contigu no debatu.

Se te ve con tanta labia
que pa tou tienis salías.
Mucha genti ya ma dichu
que te llaman El Mesías.

Quieru preguntalti algu
de la historia que has contau.
-Tú pregunta lo que quieras.
Yo ya estoy acostumbrau.

-Si yo empezara a tomal
colacau comu Sansón.
¿Es posibli que algún día
me convierta yo en su clon?

-Esu es algu mu dificil.
Esu es algu complicau.
Yo qué quieris que te diga.
Se te ve descompensau.

Es lo que hay Marianeti.
De momentu hasta la fecha
la parti izquierda la tienis
más débil que la derecha.

Pueis hacel comu Popeyi,
comel muchas espinacas,
y en un concursu de pulsus
¡ya verás comu destacas!

Se me haci tardi Marianu.
Ya me tengu que marchal.
-Yo también tengu que ilmi
a vel a la Cospedal.

Y a la Cospi no le gusta
que la hagan esperal.
Por esu me voy corriendu
que quieru sel puntual.

Hasta la proxima Pablu.
Hasta la vista Marianu.
y no seas tan rencorosu
¡Venga esi apretón de manus!

ROBERTO MARTÍN MORENO

Construcciones y Reformas Hermanos Cordero promociona a TTN

About The Author

COMERCIO EN TORREJONCILLO Y VALDENCÍN

X Aniversario Coronación Inmaculada Concepción

OFRENDA FLORAL A CABALLO A MARÍA INMACULADA TORREJONCILLO 2019

Fotografías de Torrejoncillo 2017

15589555_1448870091811575_584753780314161203_n 16105639_1400048556693729_5685545731025776053_n 17190788_1454956694536248_2907669244534066621_n 17264768_1457365830962001_1070774177699099473_n 17352567_1461983300500254_1927508210332325576_n 19510087_1789090541117519_5377589509898840514_n 21433103_1659923467372902_8390453461554567188_n 22449902_1668907356455293_8027301228098819506_n 22894168_1926482270711678_8394442417090865615_n

Normas en TTN

Existen unas normas que se deben cumplir, por favor leelas antes.

Normas en TTN

ENCAMISÁ DE TORREJONCILLO AÑO 2019