Sátiring a la alcaldesa

Sátiring  a la alcaldesa

Roberto Martín Moreno - La ColumnaLa alcaldesa de Madrid
(muy propensa a dal la nota)
nos quisu hablal en inglés
y no entendimus ni jota.

Por su culpa y la de otrus
nos hemus quedau sin Juegus
y ya no nos quedan ganas
de presentalnus de nuevu.

Los miembrus del Comité
Olímpicu Internacional
se quearun boquiabiertus
al oirla cherrial.

Estaban estupefactus,
perplejus y alucinaus,
igual que sus asesoris
que estaban avergonzaus.

¿Relaxing café con lechi?
¿Peru esu qué significa?
Lo que diju en esa frasi
ni ella mismu se lo explica.

¿A cup of café con lechi?
¿Esu qué diablus es?
Por favol,que esta persona
no vuelva a hablal en inglés.

En esa mezcla de lenguas
hay algu que no me encaja,
quizás nos quisu decil
que a ella el café le relaja.

Inclusu los traductoris
estaban mu sorprendíus,
pos hablaba en un idioma
hasta ahora desconocíu.

Es ciertu que en su discursu
mostraba un gran desparpaju,
peru se ha ganau a pulsu
que la mandin al caraju.

En toas las redis socialis
se ha convertíu en una estrella
y se habla con mucha guasa
del inglés de Ana Botella.

Y la señora alcaldesa,
harta ya de tantas bromas,
se ha apuntau a una academia
de esas que enseñan idiomas.

Quisu presumil de inglés
y diju barbaridadis
y ahora mejora su acentu
con clasis particularis.

¿Quierin ustedis sabel
qué tal le fue la experiencia
a esta mujel tan adicta
a quedal en evidencia?

¿De verdá quierin sabel
cómu le fue a esti petati
que siempri que abri la boca
es pa decil disparatis?

Entoncis sigan leyendu
lo que escribu en La Columna,
sabrán de primera manu
cómu se porta esta alumna.

-«Buenus días profesol,
yo soy la esposa de Aznal.»
-«Muchu gustu en conocerla,
ya se puedi usté sental.

Yo no soy el cirujanu
que opera gratis al Rey,
me pagará por las clasis
lo que estipuli la ley.

Conmigu el sobresalienti
lo tieni garantizau,
por esu me gusta siempri
cobral por adelantau.»

-«Por esu no se preocupi,
tengu sueldu de alcaldesa
y mi esposu gana muchu
trabajandu con Endesa.

Tieni pensión vitalicia
por habel síu presidenti,
¡figúrisi cuántas perras
tengu en la cuenta corrienti!

Vengu con mucha ilusión
a mi primel día de clasi,
a vel si puedi enseñalmi
a decil alguna frasi.»

-«Ni sabi que dirty es suciu,
ni sabi que creizy es locu,
por esu es mejol que empieci
despaciu y poquitu a pocu.

Lo primeru los coloris
que son bastanti sencillus,
al rojo le dicin red
y yelou es el amarillu.

Al azul le dicin blu
y el verdi se llama grin,
el orang es el naranja
y al rosa le dicin pin.

El colol negru es el blac
y el colol blancu es el guai,
gud monin es buenus días
y buenas nochis gud nai.

Estus son varius conceptus
que usté debi conocel.»
-«¡Diga que si señol profi
que yo vengu a aquí a aprendel!

Soy una alumna mu lista,
se lo voy a demostral,
presti atención un momentu
que le voy a impresional.

Al unu le digu Juan
y al dos se le dici Chus..»
-«Ya lo creu que me impresiona,
casi me da un patatús.»

-«Adiós se dici o la lá
y gracias arrivererchi.»
-«No empieci a mezclal idiomas
si no quieri que la echi.

Ponga algu más de interés,
no siga por esa senda,
con esa pronunciación
es mu difícil que aprenda.

A vel cómu se defiendi
pronunciándumi animalis.»
-«El gatu se dici cat
y el perru es que no me sali.

En la punta de la lengua
lo tenía haci un ratinu
peru no se desesperi
que ya vieni de caminu.

Ya me vinu, ya lo tengu,
el sabuesu ya está aqui.
¿A que el perru del que hablamus
se llama dog o algu así?»

-«Ya veu que los animalis
se le dan muchu mejol
que tomal café con lechi
juntu a la plaza mayol.

Así me gusta alcaldesa,
progresa adecuadamenti,
ya verá usté que contentu
se poni el ex-presidenti.»

-«¡Ay, mi esposu Jose Mari,
qué ganas tengu de velu.!
En vez de decili hola
quizás hoy le diga jelu.»

-«Es su primera lección
y hay muchu que mejoral,
está claru que nos queda
mucha tela que cortal,

peru de aquí a un par de mesis
ya verá cómu domina
y en su próximu discursu
se podrá quital la espina.

Y cuandu salga de aquí
llami a algún miembru del COI
pa restregali en la cara
las clasis que yo le doy.»

-«Tan sólu de imaginalmi
lo que usté me vaticina
le aseguro que la carni
se me poni de gallina.

Porque le digu de veras
que tengu unas ganas locas
de aprendel bien esti idioma
pa tapal algunas bocas.

No me gusta el cachondeu
que se train con el relaxing,
y aunque aceptu bien las bromas
no es cuestión de que se pasin;

que a vecis entru en el feisbu
y me tengu que salil
porque encuentru comentarius
que me ponin a paril.»

-«Si bajasi los impuestus
y cobrasi menus multas,
seguru que hasta le aplaudin
la genti que ahora le insulta.

Estu sólu es un conseju,
no olvidi que en la política
se han hechu muchus recortis
peru mu poca autocrítica.

Ya estamus finalizandu
esta clasi tan amena,
ya debi faltal poquinu
pa que toqui la sirena.

Puedi marchalsi de compras
al Carrefur o al Ikea,
que hoy no le mandu deberis,
que hoy no le pongu tarea.

Mañana a la misma hora,
no me falti doña Ana,
que vamus a repasal
los días de la semana».

-«Aquí estaré puntual
si no me quedu traspuesta,
que el cuerpu me pidi marcha
y tengu ganas de fiesta.»

-«Puedi marchalsi tranquila,
que si veu que se retrasa
yo le doy un toqui al móvil
o mejol le mandu un guasa.»

-«Voy a vel si me acomodu
dentru de la limusina
que me está esperandu el chófir
a la vuelta de la esquina.»

-«¿Que la está esperandu el chófir?
¿Que la lleva en limusina?
Aunque no haya ningún fuegu
estu hueli a chamusquina.

¿No será de esas personas
que blanquean capitalis?
Y no me cambi de tema
ni salti por los bardalis.»

-«¡Ay profi,qué cosas tieni!
No sea tan desconfiau.
Los problemas con Hacienda
los resuelvi mi abogau.

Además esi es un tema
que ni le va ni le vieni,
dedíquisi a dalmi clasis
por la cuenta que le tieni.»

-» Sólu estaba bromeandu,
no me lo tomi usté en cuenta.»
-«Yo es que soy mu suceptibli
y el que me busca me encuentra.»

Tras despedilsi diciendu
bay-bay al señol Virgiliu
se marchaba la alcaldesa
de vuelta a su domiciliu.

Y aprovechandu que Ana
ya se encuentra en su mansión,
le voy a dal carpetazo
a esta primera lección;

que las musas ya me tienin
la cabeza mediu loca,
ellas son las que me inspiran
peru no cierran la boca.

Cada vez que yo intentaba
terminal esta poesía
otra vez venían a velmi
con alguna tontería.

Que si pon lo del Ikea,
que si pon la limusina…
estas musas no comprendin
que el Aznal está que trina.

Puedi que a ellas les divierta
critical a la Botella
peru yo me estoy jugandu
que me ponga una querella.

Yo le digu a esta señora
(por si las quieri leel)
que estas rimas se han escritu
sin ánimu de ofendel.

Con sentidu del humol
y con dosis de ironía,
igual que cuandu escribí
«¡Caray con la monarquía!»

Sin tenel más que decil
quieru aparcal esti tema
y me voy a despedil
hasta el próximu poema.

ROBERTO MARTÍN MORENO

About The Author

2 Comments

  1. roberto

    gracias me alegro que te hayan gustado las clases de inglés de esti petati

  2. pepa

    ¡Hombre, Roberto, qué bueno verte y leerte por aquí otra vez! ¡Qué relaxing me ha entrado con el poema! ¡Muy bueno!

X Aniversario Coronación Inmaculada Concepción

TOROS DE TORREJONCILLO 2019

Fotografías de Torrejoncillo 2017

12642693_1254956381187184_5320801013031786930_n 15826533_1389773134387938_3821737624650683951_n 17190431_1453058764726041_2750691501141677693_n 19260401_1565203796844870_8450041094651993517_n 19598570_1578608212171095_171361750214203742_n 22050137_1656449894367706_2088092676251615023_n 22309014_1909053259121246_6831633583190213897_n 22815158_1679156595430369_3826083060979524515_n 22894157_1683284338350928_5318469112051155075_n

Normas en TTN

Existen unas normas que se deben cumplir, por favor leelas antes.

Normas en TTN