La familia…¿Y cuantus mas?
-¡Ay papa,qué desazón!
Hoy casi me da un teleli.
¡Si supieras las cosinas
que se dicin por la teli!
Una belga va diciendu
que es tu hija y es mi hermana.
Y encima es comu nusotrus,
sencilla y mu campechana.
Y otru hombri va diciendu
que es tu hiju y es mi hermanu.
Nunca inviertas en un circu
que te crecin los enanus.
La de Bélgica pregona
que por los añus sesenta
estuvisti con su mairi.
¿Es mentira?¿Se lo inventa?
-No te preocupis Felipi.
Tou tieni una esplicación.
Las palabras de esa belga
son pura imaginación.
Hablaré con su abogau
pa vel si hacemus un pactu.
¡Verás con las tonterías
la de perras que me gastu!
Dispués de la abdicación
me encontraba yo en la gloria,
hasta que vinu esta belga
contandu falsas historias.
No te pueis imaginal
la mala lechi que tieni,
pos quieri que yo me haga
las pruebas del A De Eni.
Será un jues quién dictamini
si me sometu a esa prueba.
Se lo dichu ya a tu mairi
¡y no veas qué mal lo lleva!
Siempri se poni celosa
cuandu me ve con Corinna,
y de esti asuntu me dici
que algu güeli a chamusquina.
-Tú dili que esté tranquila.
-¿Y qué hagu pa que no llori?
-Pos le ponis una peli
dondi salga Antoniu Ozoris.
Ya sabis que con Antoniu
mama se mea de risa,
y siempri que tieni angustia
al velu se tranquiliza.
No hay mal que por bien no venga.
Yo te aconseju una cosa,
solicital un subsidiu
por familia numerosa.
Una preguntina,papa.
Si fuera cierta esta historia
¿Qué puestu ocupa esa moza
en la línea sucesoria?
-Por eso no te preocupis.
Hoy ma dichu mi asesol
que en esa línea que dicis
está detrás de Leonol.
-Pos entoncis menus mal.
Ya me queu más tranquilu.
¡Qué difícil es reinal
con el alma siempri en vilu!
Si te apeteci venil
a cenal a La Zarzuela
he preparau con esmeru
un arroz con jabichuelas.
Antiel me diju Letizia,
por lo bien que cociné,
que tengu que presentalmi
al castin de Mastir Ché.
-Hiju míu,agradezcu
de verdá tu invitación,
peru esta nochi es probabli
que salga de botellón.
Nos vemus esti domingu.
Dali un besinu a mis nietas,
¡y no le digas a Leti
lo de la hija secreta!
ROBERTO MARTÍN MORENO
