Construcciones y Reformas Hermanos Cordero promociona a TTN

Los viajis de Monagu (2ª Parti)

Los viajis de Monagu (2ª Parti)

Roberto-Martín-Moreno-La-Columna

Si las partis segundas suelin sel malas
no seré yo quien diga que esta sea güena
solo sé que a Monagu tiru con bala
en los versus que forman esti poema.

Tras oil sus curiosas esplicacionis
hoy quieru comentarus en estas rimas
que sólu le faltó que nos confesara
que Olga no es su amiga¡¡era su prima!!

En Canarias a Monagu
lo llamaban Güili Fó,
le pusierun esi moti
por las vecis que viajó.

Si esti hombri se proponi
realizal la güelta al mundu
no la da en ochenta días,
¡te la da en venti segundus!

En esa ruea de prensa
estuvu mu cherrión,
y estaba más gentinosu
que un volcán en erupción.

Critical al presidenti
ya no será necesariu
dispués de velu en la teli
con los estractus bancarius.

Por esu si sus palabras
tuvieran algu de ciertu
yo os invitu a que leais
las disculpas de Robertu.

Jui perdón señol Monagu.
Le ruegu que me perdoni.
Yo pensaba que a Canarias
iba usté de vacacionis;

peru ya me doy yo cuenta
de que estaba equivocau
al sabel que sus viajis
ya los tieni acreditaus.

Yo no sabía que usté
está sufriendu chantaji,
y que no eran trenta y dos
¡eran dieciseis viajis!

Yo no sabía que usté
no tenía parabólica
ni que le chantajearan
de una forma tan diabólica.

Ignoraba que en su casa
no se cogi canal plus.
Resulta que usté es tan güenu
¡que hasta se paga la luz!

Solu faltaría
que no la pagara,
esu ya sería
tenel mucha cara.

Ha síu usté sometíu
a un injustu linchamientu.
Comprendu perfectamenti
que muestri su descontentu.

Hay vecis que reconoscu
que semus mu mal pensaus.
¿Habrá que dali las gracias
por sel usté tan honrau?

¿Quieri que creamus
que no es de la casta
a pesal que cobra
muchísima pasta?

¡Qué atrevía es la ignorancia!
¡Lo que jaci el no sabel!
Yo le ofrezcu mis disculpas
si las quieri usté cogel.

Y si no quieri cogelas
pos me va a sental mu mal,
porqui siempri le he teníu
comu un hombri mu formal.

Sus viajis a Canarias
están llenus de ironía.
Esta es la segunda parti.
¿Quieri usté una trilogía?

Se la haré con muchu gustu
si no degüelvi las perras,
pos si no hay devolución
me tendrá aquí dandu guerra.

ROBERTO MARTÍN MORENO

Construcciones y Reformas Hermanos Cordero promociona a TTN

About The Author

2 Comments

  1. roberto

    Gracias Pedro por seguir mis poesias y por tu comentario,ya iré poniendo más

  2. Pedro L.

    Enhorabuena de nuevo por la poesía de Monagu, y por la entrevista. Soy fiel seguidor tuyo y además procuro compartir tus poesias con mucha gente. A la espera de la siguiente.

COMERCIO EN TORREJONCILLO Y VALDENCÍN

X Aniversario Coronación Inmaculada Concepción

OFRENDA FLORAL A CABALLO A MARÍA INMACULADA TORREJONCILLO 2019

Fotografías de Torrejoncillo 2017

15589555_1448870091811575_584753780314161203_n 16105639_1400048556693729_5685545731025776053_n 17190788_1454956694536248_2907669244534066621_n 17264768_1457365830962001_1070774177699099473_n 17352567_1461983300500254_1927508210332325576_n 19510087_1789090541117519_5377589509898840514_n 21433103_1659923467372902_8390453461554567188_n 22449902_1668907356455293_8027301228098819506_n 22894168_1926482270711678_8394442417090865615_n

Normas en TTN

Existen unas normas que se deben cumplir, por favor leelas antes.

Normas en TTN

ENCAMISÁ DE TORREJONCILLO AÑO 2019