Una Infanta sin Ducado

-Abri la puerta Cristina.
Vengu a dalti una sorpresa.
A partil de esti momentu
dejarás de sel Duquesa.

-¡Peru qué me estás contandu!
¡Tú no tienis corazón!
Cuandu se lo diga a Iñaki
se cogi una depresión.

¡Con lo que a él le gustaba
ilsi paí de fiestuqui
y fardal con sus amigus
de esi títulu de Duqui!

-A iñaki ya se lo he dichu
¡Qué disgustu sa llevau!
¡Con lo que a él le gustaba
llamalsi «El Duqui Empalmau»!

Estaba tan cabreau
por habel perdíu el títulu
que ha dichu que va pegalmi
una patá en un testículu.

Yo le diji denseguía
que no es pa ponelsi así,
que sin títulu esti añu
también se queó el Madrí.

-Yo no sé por qué a mi esposu
le tienis tanta ojeriza.
¿No será por los millonis
que se lleva pa Suiza?

-Cuandu viaju en mi yati
no quieru tenelu a bordu.
Si te digu la verdá
siempri me cayó mu gordu.

-Le voy a decil a papa
que me has hechu una faena.
Ahora será imposibli
tenel una vida plena.

-No haci falta que te queis
con cara de circunstancia,
que sel Duquesa hoy en día
no tieni tanta importancia.

-Si tú quieris hermanitu
cambialmi el colol de cara,
préstami quinientus eurus
pa compralmi ropa en Zara.

-Si esu es lo que necesitas
pa golvel a sonreil,
no te voy a dal quinientus;
¡te daré mejol diez mil!

-¡Ay Felipi,muchas gracias
por hacelmi esti favol!
¡Peru no cojas las perras
de la hucha de Leonol!

-Ya que me sacas el tema
quizás sea una injusticia
que le den a tu sobrina
una paga vitalicia.

Y mucha genti me acusa
de que tengu muchu morru
por consentil que mi niña
tenga libreta de ahorru.

Peru comu soy el Rey
hagu siempri lo que quieru,
y en Zarzuela no pensamus
renuncial a esi dineru.

Ya me tengu que marchal.
Tú por estu no te enfadis.
Yo jamás te he dau motivus
pa perdel las amistadis.

-Yo por esu no me enfadu.
Sabis bien que yo te adoru.
Si me dejas sin ducadu
probaré con el Malboru.

ROBERTO MARTÍN MORENO