La Romería: Un día para gozar

No sé si en esta ocasión

viviré la Romería

con esi gran entusiasmu

que otrus añus la vivía.

No sé si saldré con ganas

esi día que tantu admiru

de bailal por la mañana

la canción del tiroriru.

Pues pensandu en esta crisis

de difícil solución,

quizás no me pida el cuerpu

juerga,marcha y diversión.

Y aunque estamus celebrandu

el cincuenta aniversariu,

las cosas están mu negras

según los telediarius.

El paru sigui creciendu

de una forma preocupanti,

muchas familias no sabin

comu saldrán adelanti.

Pa manejal la paleta

currandu en la construcción,

ahora te pidin tarjeta

con cursus de prevención.

Y no pasaré por altu

en estus versus que escribu,

que la tarjeta y los cursus

tienin precius abusivus.

Se rumorea también

que Clan y Teledeporti

puedin dejal de existil

por culpa de los recortis.

La reforma laboral

trai despidus más baratus,

una vez más al obreru

le ha tocau pagal el patu.

¿Dóndi están esas promesas

que Rajoy nos prometía

cuandu diju que el despidu

nunca se abarataría?.

Pareci que sus palabras

se las ha llevau el vientu,

por esu los sindicatus

ya muestran su descontentu.

Las sentencias que se dictan

a diariu en los juzgaus

es otru de esus asuntus

que me tieni preocupau.

Han declarau inocenti

a Camps por lo de los trajis

y culpabli a Contadol

por el tema del dopaji.

La Pantoja sigui libri

por lo del casu Malaya,

un casu que nos confirma

que en la justicia algu falla.

Y haci pocu en un juzgau

de las Islas Balearis

Urdangarín declaró

más mentiras que verdadis.

Ha dichu nuestru monarca

(el suegru de Doña Leti)

que puedi sel que a su yernu

le embarguin el palaceti;

y yo que ya llevu tiempu

sin creel en la justicia

no piensu que le hagan esu

al cuñau de la Leticia.

Estoy en contra del sueldu

que cobran tous esus juecis

y de las bromas sin gracia

de los guiñolis francesis.

Aquí en el pueblu las cosas

tampocu pintan mu bien,

cada vez hay más personas

apuntás en el Inem.

Han cerrau el mataderu

prque no cumpli las normas,

y no tenemus dineru

pa acometel las reformas.

No están las cosas ahora

pa dal saltus de alegría,

esperu que con el tiempu

se noti una mejoría.

Sólu queda la esperanza

pa podel salil del pozu

que se abra cuantu antis

esa mina del Pedrosu.

¡Qué gran noticia sería

la apertura de esa mina

pa trabajal de mineru

igual que Antoniu Molina!

A ti San Pedru benditu

sólu te puedu decil

que ya voy teniendu ganas

de que llegui el mes de Abril.

Si ves que estoy en la ermita

encendiénduti una vela,

no la enciendu pa pedilti

que me toqui una quiniela,

si la enciendu es pa rogalti

que al llegal  la primavera

no nos lleguin más recortis

procedentis de Bruselas.

Y quizás te encienda otra

rezandu pa que Monagu

no tenga entre sus proyectus

implantalnus el copagu.

El día dieciseis de Abril

prometu hacel el intentu

de olvidalmi de esta crisis

aunque solu sea un momentu.

Porque pensándulu bien

la vida son cuatru días

y yo también me merezcu

gozal de la Romería.

Viviré con ilusión

aunque la vida sea mala,

pues comu dici el refrán:

«Al mal tiempu buena cara».

 

ROBERTO MARTÍN MORENO

About The Author

7 Comments

  1. Juanmi

    ¡Muy buena! Enhorabuena 😉

  2. invitado_2365

    Jaja! que buenas rimas y que razón tiene.

  3. Tamara

    Roberto que soy tu sobrinita de barcelona! jajaja, me ha encantao, a ver si hablamos por algun sitio no? y veo más poesias que no se te dan mal eeh! jajja, pasatelo bien en la romeria tu que puedes disfrutar de ella! (:

  4. kike

    ¡Es Geniál! No se de donde sacas tantas ideas y tan actuales.

  5. roberto

    Me alegro que haya gente que les guste lo que escribo,sobre el tema de la radio también te respondo en verso.

    Delante de los micrófonos del programa Radio Alfares,
    quizás no me desenvuelva igual que en otros lugares;
    pero si tengo que ir ,acepto la invitación,
    pues rechazar tal propuesta es de mala educación.

    Un saludo para todos y feliz romería       

  6. Pepa

    Pues eso, Roberto: A mal tiempo, buena cara, aunque nos cueste la misma vida. Hace tiempo que quería pedirte que aceptaras una entrevista conmigo en Radio Alfares, sobre poesía, por supuesto. Y, para hacerte un poquino la pelota, te lo voy a pedir en verso:
    Si aceptaras mi propuesta
    muy feliz me sentiría;
    dime, pues, que sí, Roberto,
    y hablaremos de poesía.

    Sigue escribiendo, Roberto, a muchos nos gusta leer lo que escribes. 
    Buen día para todos y que «San Pedru Benditu» nos alimente el entusiasmo.
     

  7. Copito

    Verdades como puños con acentu torrejoncillanu. Enhorabuena Roberto

X Aniversario Coronación Inmaculada Concepción

OFRENDA FLORAL A CABALLO A MARÍA INMACULADA TORREJONCILLO 2019

Fotografías de Torrejoncillo 2017

17554234_1472534282759269_2323917517570196001_n 17796553_1480466265318624_715909079631607295_n 18922109_1552709538094296_701365342688002502_n 19598570_1578608212171095_171361750214203742_n 20604450_1607443085935054_2048820558051672087_n 20620779_1617480058283910_1391133559785558920_n 22815158_1679156595430369_3826083060979524515_n 23844806_1727584240606824_7033044826757373072_n 24232445_1760520837348121_4680794506072693154_n

Normas en TTN

Existen unas normas que se deben cumplir, por favor leelas antes.

Normas en TTN