El caso Pujol

Jordi Pujol perteneci
al mundu de la aristocracia,
y dicin que se pareci
al de «La guerra de las galaxias.»

Tras casi cuarenta añus
(es decil,sin mucha prisa)
ha terminau confesandu:
«Guardu perras en Suiza.

Peru no cincuenta eurus,
ni sesenta,ni setenta.
¡Tengu ya tantus millonis
que he perdíu hasta la cuenta!

Comu no declaru a Hacienda
siempri tengu superavi,
peru no le he dichu nunca
porqui aluegu tou se sabi.

Cuandu salgu por la calli
me pidin explicacionis
y me preguntan que cómu
pudi ahorral tantus millonis.

Y algunus con mala lechi
me dicin que su deseu
es velmi dentru del trullu
antis que jinqui el poleu.

Me las daba de honorabli,
peru soy comu un demoniu,
¿Quereis sabel cómu obtuvi
semejanti patrimoniu?

Soy un hombri mu bajinu
que ha llegau hasta mu arriba
porqui más de cincu vecis
me tocó la primitiva.»

Más tardi diju el chiquinu
¡dati cuenta qué ocurrencia!
que parti de sus riquezas
son productu de una herencia.

Y al final ha renunciau
a su pensión vitalicia,
y también ha denunciau
al que filtró la noticia.

Y comu dici el refrán:
«De tal palu, tal astilla»
Y es que los hijus de Jordi
defraudan de maravilla.

De sieti hijus que son
se dici que el más chiquinu
tres mil millonis de eurus
acumuló en un ratinu.

Se dici de los Pujolis
que acabarán en la trena
porqui blanquean mejol
que el detergenti de Elena.

Con tantas perras que tienin
los Pujolis Ferrusola,
no se asustan cuandu vieni
la factura de Iberdrola.

Os prometu que es mu ciertu
lo que escribu en esti foliu,
¡ a esta genti no le afecta
las subías del gasoliu!

Con casus comu la Gurtel,
los Eris o los Pujol
la corrupción en España
sigui de mal en peol.

¡Cuántus casus comu estus
habrá que no los sepamus!
Por culpa de estus corruptus
estamus hoy comu estamus.

Y los juicius van despaciu.
Pa que Fabra entri en prisión
han tardau más de diez añus
en tomal la decisión.

Aquí terminu mis rimas,
me voy a mis aposentus,
que ahora le toca a Jordi
hablal en el parlamentu.

ROBERTO MARTÍN MORENO